NO KAMEJi ZONO???: BU HANGi DiL

*
"Lewé sıma de caé ma esto ke, ma bivime mordemé zuvini?..."

-*-
Hangi dili biliyorsanız ona çavirin...:
Kameji zon ke zonené, bıçarné déy...

-*-

Hala kameji zon ve yé ma ra, zuvini ra néjdiyé?...:
Bakalım hangi dile benzeteceksiniz...

-*-
Olli weşiye ve sıma do!!! :
Esen ve sağ kalın!!!

Torné Thuji

A SOPE RA NÊBIYÊNE

*
No fek, a sope ra nébiyéne
Ê qesey mı tora névaténe
To ez ca néverdéne
Tı néşiyéne
Ez bé to némendéne


Tı nézona, çı ve mı beno
Ez ke bé to manenu
Zerré mı, ho weno
Ho ver de thoway névénenu

Qalé to ke beno
Zerré mı ho weno
A wo ke derdé zerri nézoneno
Se vaji mı fam nékeno

Hala a wa ke mezg ve mı keno
Zerré qafıka mı de kay keno
Aqılo ke mendo ki, o beno
Dest u pay, mı verra maneno


Tı ke, mı ra duriya
Na dina, mı gore rıjiya
Yé to mı zerre de zof xoriya
Ne heduro, ne heduriya


huréndiya ho de névındenu
Hata ve sondır sonu, yénu
Mı dest dero, boyna fetelnenu
Her sop u deqa resmé to de sér kenu
Çhımuné ho, yé to ra ra-nébırnenu


Ne werdene, sımıtene ho viri anu
Ne ki, persé ke bıvo, cuav danu
Mevaze ke, zerre hira u xanu
Ez éndi ison u isoniye ra yanu

Pesewe cıle ra xıl benu
To, ho lewe de névénenu
Adır kuno mı zerre vésenu
Zırriye nanuro cı, bervenu
Bervenu bervenu


Anu ra ho viri é kerdenu
Kelacér benu, tım bervenu
Hoveho serva to, ho wenu
Ma ez o feqir çı zonenu ke,
Ez nae çıra ve ho kenu

Fırre némenda, çhoki şiçiyé
Thomoré mı unciyé
Zoniyé mı qırfiyé
İyé ke bé yara huyé
Bé ro u bé can u bé weşiyé


Eve dest u paye ho niyé
Bé bé, guneka! Hona qıskhekhiyé
Ma ra dıma, na dina de iyé
Domoni ma ré wayiriyé

Khane Şiye, Amé Serra Newie

*

SERRA NEWiE VA XÊR BÊRO
MIRODÊ SIMA WENDOĞU BIKERO
QOM U PÊRA MA RÊ Kİ XÊRE BiYARO
ZONÊ MA SERRA MIZ U DUMAN WEDARO
-*- -*-

Unca serré da bine, amé u vérde ra şiye
Omré ma bi ve kémi, ma dıma jüye zédiye
Zé vırénu, sew u rozuné ho ra serra vérdiye
Hiré se u şéşti u ponc roji u ses sati viye


Kaméji serre bena va bıvo, mevazé keyi
Taé newe améy riyé dina, taé mendi seyi
Tım u tım serri yéné, soné; téver u tépeyi
Qa çor demi, hemi ki poncas u dı hefteyi


Serra ravérdiye taé çıqa ke huyaynayi
Derdweré zé ma ki, derduné horé bervayi
Taine kar u guré ho rınd u rast zonayi
Taine ki, taé sowda ho dımera voznayi


Ollemi ré serva serra rınde, düeyi keme
Jiaru ra çı mıneta dinuna, cıré wazeme
Mayého, qesekerdena zoné ho, céreme
Va derg bıweşiyo, kami lewé hode véneme


Torné Thuji maré qedero de newe wazeno
Dina sero éndi qe qomé bézon qa nébeno
Pil u qızé keşi, qe coru bındest némaneno
Dem u dewrané ho ke, zé vatena ho rameno

Mayého// ma ve ho : kendimiz
-*-

SERRA NEWiE RA SIMA ÇI WAZENÊ BIVÊRO
WENDOĞU RÊ WEŞİE BİYARO, WES BÊRO
CIRÊ BÊDERD U BÊKHUL RAVÊRO, ŞÊRO
VA NA SERRA DI HOZOR U DEŞİNE DE
QE KES GUNA KEŞİ VER MEKUYO, MECÊRO